Регионалната конференција за Југоисточна Европа на мрежата Enterprise Europe Network оваа година се одржа во Брдо кај Крањ, Словенија, во периодот од 10–12 септември. Оваа конференција беше во организација на Европската мрежа за поддршка на претприемништвото од Словенија, а учество земаа и партнерските организации на ЕЕН од регионот.

Во рамките на конференцијата, претставниците од регионот имаа можност да ги разменат своите добри практики на работење за зголемување на поддршката и подобрување на услугите кои ги даваат на компаниите во насока на нивна интернационализација и претставување на меѓународниот пазар. Исто така, на оваа конференција, партнерските организации договорија и идни заеднички активности во насока на подобрување на соработката на регионално ниво.

Enterprise Europe Network (EEN) е најголемата мрежа на контакт центри кои обезбедуваат информации и советувања на компаниите за прашања од Европската унија. Составена од повеќе од 600 локални партнерски организации (универзитети, стопански комори, агенции, фондации, здруженија) во повеќе од 50 земји, мрежата промовира конкуретност и иновации.
Главна мисија на Enterprise Europe Network е да им помогне на малите и средни претпријатија да ги искористат различните бизнис можности во рамките на единствениот ЕУ пазар, развивајќи активности на соработка од областа на бинисот, технологијата или науката. Преку мрежата се обезбедувааат совети за поддршка на иновативните бизниси и пристап до финансии. Исто така, се овозможува и добивање на информации за можностите за располагање на програмите и финансирање од страна на Европската унија.